Valdet Rama shënon supergol në Ligën e Tretë gjermane

Periskopi.com Sporti

Ish-futbollisti i Kombëtares dhe Kukësit, Valdet Rama, realizoi ditën e djeshme një supergol me fanellën e Mepen, në sfidën ndaj Uerdingen, të fituar nga skuadra e shqiptarit me rezultatin 0-2.

Në minutën e 58-të, 32-vjeçari, me një goditje mjeshtërore nga jashtë zonës, e ka dërguar topin në trekëndësh, duke mos i dhënë asnjë shans portierit kundërshtar, teksa vulosi shifrat në 0-2.

Kjo përballje ishte e vlefshme për javën e dytë të kampionatit në ligën e 3-të gjermane, ku Rama aktivizohet prej 2 sezonesh. Shqiptari është një ndër më të dalluarit te skuadra e Mepen. Sezonin e kaluar sulmuesi i krahut realizoi 6 gola në 24 sfida me këtë skuadër.

 

Shpërndaje në: