Vallja, problemi kryesor për dasma, thonë nga Komisioni për Sëmundje Ngjitëse në Maqedoninë e Veriut
Komisioni për Sëmundje Ngjitëse në Maqedoninë e Veriut konsideron se është herët për organizimin e dasmave.
Në mbledhjen e djeshme të këtij Komisioni, ku pjesëmarrës kanë qenë edhe përfaqësues të restoranteve që organizojnë dasma, dhe edhe pse kanë pasur protokolle të gatshme, komisioni vlerëson se ka rrezik.
“Protokollet e tyre janë në rregull sa i përket mënyrës së uljes, hyrja në restorant, mënyrën e dezinfektimit, e gjithë kjo është në rregull. Por, dasma është dasmë, gjithmonë ka situata ku shumë lehtë mund të del situata jashtë kontrollit. Nuk mund të mbahet distanca sociale gjatë valles, për shembull. Numri i të infektuarve bie, dhe për këtë shkak do të presim me dhënien e rekomandimet për t’u mbajtur dasmat në Maqedoni”, shprehen nga Komisioni për Sëmundje Ngjitëse për ‘Faktor’.
Ndrysje, pronarët e restoranteve që organizojnë dasma, që nga java e kaluar kërkuan nga komisioni që t’i pranojë protokollet e tyre për punë. Ata shprehen se protokollet e tyre janë të sigurta në krahasim në dasmat që organizohen në oborre të pa u respektuar protokoll për mbrojtje.
