Veseli ngushëllon familjet e minatorëve, kërkon hetim për rrethanat e vdekjes
Kryetari i Partisë Demokratike të Kosovës, Kadri Veseli, ka ngushëlluar familjet e dy minatorëve që hubën jetën në minierën e Artanës.
Përmes një postimi në faqen e tij në Facebook, Veseli ka kërkuar hetim për rrethanat e vdekjes së minatorëve.
Postimi i plotë i Veselit:
“Ngjarje e rëndë tragjedia në minierën e Artanës ku humbën jetën dy minatorë. Shpreh ngushëllimet më të sinqerta për familjet që humbën më të dashurit e tyre. Në këto momente të vështira jemi afër të gjithë minatorëve të prekur dhe të afërmëve të tyre të cilët kanë përjetuar këtë dhimbje”.
“Të hetohen dhe sqarohen sa më parë rrethanat e kësaj tragjedie”.
