Vetëm grushtat munguan: Arteta dhe Klopp absolutisht e humbën kokën në vijën teknike mbrëmë

Periskopi.com Sporti

Liverpooli kundër Arsenalit është gjithmonë një ndeshje që dhuron spektakël në Premier League.

Dhe nuk pati shenja të përfundimit të këtij trendi në ndeshjen e këtyre dy skuadrave të shtunën mbrëma, me ‘Të Kuqtë’ që kërkonin t’u kthehshin rrugës së fitoreve, ndërsa ‘Topçinjtë’ poashtu ishin në kërkim të pikëve, transmeton Periskopi.

Pjesa e parë mund të mos ketë dhuruar gola, por qartazi ofroi drama sa të duash, me Aaron Ramsdalen që bëri disa paraqitje brilante për ta mbajtur portën e Arsenalit të paprekur.

Mirëpo, larg momenti më interesant i 45 minutave të parë pati protagonist Mikel Artetan dhe Jurgen Kloppin duke u përplasur kokë më kokë në vijën eknike në atë që u duk si një konfrontim tejet i nxehtë.

Pas një dueli ku u përfshinë Sadio Mane dhe Takehiro Tomiyasu, dy trajnerët u futën në një konfrontim verbal derisa stafet teknike nga të dy taborret u desh të ndërhynin për t’i ndalur shefat e vetë nga eskalimi i mëtutjeshëm.

Shikoni më poshtë.

Pas golit të Mane pastaj, Klopp po bënte këtë gjest në referencë të përplasjes me Artetan. /Periskopi.com/