(VIDEO) Ngannou e mposht Ganen me rikthim mahnitës për ta mbrojtur titullin në kategorinë e rëndë
Francis Ngannou e ka mposhtur Ciryl Ganen me rikthim mahnitës për ta mbrojtur titullin në kategorinë e rëndë në UFC të shtunën mbrëma në Kaliforni.
Megjithëse u duk i mposhtur në fund të rundit të dytë dhe në fillim të rundit të tretë, Ngannou i shfrytëzoi aftësitë e një mundësi për ta rrëzuar disa herë Ganen në pjesën e mbetur të luftës dhe për ta mposhtur atë me vendim unanim të gjyqtarëve në fund,
Kjo ishte një lëvizje e pazakontë për 35-vjeçarin nga Kameruni, i cili ka fituar një reputacion të madh si njëri nga luftëtarët më të frikshëm në historinë e UFC-së për shkak të goditjeve tmerrësisht të fuqishme.
Francis Ngannou’s wrestling was *Chef’s Kiss* ?
What an incredible addition to his skillset and a great plan B to rely on when needed ?#UFC270 pic.twitter.com/EvTZgTUEHN
— Chamatkar Sandhu (@SandhuMMA) January 23, 2022
Pas luftës, Ngannou e pranoi se nuk kishte mundur të ushtronte mirë për këtë meç, për shkak të një lëndimi në gju.
“Tri javë më parë, e lëndova gjurin. Por ky ishte koha që unë t’ua kujtoja njerëzve se unë jam kampioni. Disa njerëz më harrojnë mua”, tha Ngannou.
