Viola Von Cramonit s’i besohet për emërimin e liqenit Trump: A është shaka e 1 prillit?
Rënia dakord e kryeministrit kosovar Avdullah Hotit që Ujmanit t’i bëhet emri Trump i ka bërë përshtypje edhe raportueses për Kosovën në Parlamentit Europian, Viola von Cramon.
Madje, ajo s’po beson këtë emërim.
“Shaka e 1 prillit? Si mund të japë dikush diçka si shenjë mirënjohje për atë marrëveshje? Thjesht duke qenë pjesë e fushatës së Trump”, shkroi ajo në Twitter.
Richard Grenell, i dërguari i Trump për dialogun Kosovë-Serbi, ka thënë se këtë ide e ka thënë me shaka, por se përfaqësuesit e Kosovës dhe Serbisë e morën seriozisht.
Ai zbuloi se pati një përplasje të pabesueshme mes palës kosovare dhe asaj serbe, për emrin e liqenit të Ujmanit, prandaj edhe e bëri atë shaka.
”Njëra thoshte – ne e quajmë atë me emër serb, tjetra jo ne e quajmë atë emrin shqiptar të Kosovës. Pra, ishte një luftë e pabesueshme për emrin liqenit, dhe kështu me shaka thashë se thjesht le të quhet pra Liqeni Trump, meqë nuk doja që ta zemëroja njërën palë apo tjetrën”.
