“Vizita e Kurtit në SHBA duket si një vizitë ‘se kam kohë dhe prandaj po rri më gjatë’”
Ish-kryetari i Komunës së Prishtinës, Shpend Ahmeti, ka komentuar vizitën e Kryeministrit Kurti në SHBA ku sipas tij, e gjitha kjo ndodhi vetëm për të treguar rreth asaj se a i ka punët mirë ai me Amerikën apo jo, përcjell Periskopi.
Megjithatë, Ahmeti kritikoi Kurtin për qëndrimin e tij rreth trejavësh atje, duke lënë të kuptohet se vizita e tij tetëmbëdhjetë ditëshe ishte e gjatë.
“Asnjë kryeministër nuk duhet të largohet nga vendi për më shumë se 4-5 ditë, përndryshe duket si një vizitë ‘se kam kohë dhe prandaj po rri më gjatë’.
Lidhur me kritikat e opozitës për moszhvillimin e takimeve të Kurtit me zyrtarë të niveleve të larta amerikane, Ahmeti tha se ata e takojnë kryeministrin tonë ose kur kanë diçka për të thënë ose për të dëgjuar.
“Mesazhet e Qeverisë Amerikane janë që ata kërkojnë që dialogu të ketë epilog dhe që në qendër të ketë njohjen e ndërsjellë”.
Në emisionin Rubikon në Klan Kosova, Ahmeti po ashtu kujtoi edhe kohën e vitit 2017, kur si Vetëvendosje kishin kërkuar takim me ambasadorin e atëhershëm amerikan në Kosovë, Greg Delaëie, i cili nga ta kishte kërkuar që të kërkonin falje për sulmin ndaj ambasadores së dikurshme Tracey Jacobson, për çka ai tha se “nuk kishin pranuar ta marrin fajin për diçka që nuk e kanë bërë”.
