Xhavit Haliti shpërthen ndaj Korab Sejdiut: Hera e fundit që ofendon kur unë ta jap fjalën

Periskopi.com Lajme

Sot gjatë seancës së Kuvendi ka lindur një përplasje ndërmjet nënkryetarit Xhavit Haliti dhe deputetit të Pavarur, Korab Sejdiut lidhur me fjalën e dhënë.

Përderisa ndërhyri deputeti i Nismës, Milaim Zeka ‘jepja fjalën Korab Sejdiut’, Haliti tha se nuk i takon ligjërisht. Por që do ta lejojë të flasë si ekspert në fushën e drejtësisë, për çka edhe diskutohej, raporton Periskopi.

‘’E humbi të drejtën me ia dhënë fjalën. Nuk i takon fjala, por meqë është jurist i mirë, mund të ketë mendime të mira. Zotëri Korab urdhëro’’, tha Haliti.

Ndërsa Korab Sejdiu ia ktheu ndryshe.

‘’Si specialit që më ngrite lart, unë duhet të them që ti e ki gabim. Se mua më takon fjala. Se kam ndërmend me të falënderu për të drejtën që më takon’’, i tha Sejdiu.

Menjëherë pasi deputeti kreu fjalën, Haliti iu përgjigj duke i thënë se është hera e fundit që ofendon, përderisa ky u tregua me mirësjellje.

‘’Ti s’je kryetar i Grupit Palramentar, ta kam dhënë fjalën se kishe po thu dicka,  e jo me ofendu. Është hera  e fundit që ofendon në kushtet që unë ta japë fjalën ‘’, tha Haliti./PERISKOPI/

🔴 LIVE: Vazhdimi i seancës së Kuvendit

Posted by Periskopi on Monday, 15 April 2019

 

Shpërndaje në: