Xherdan Shaqiri u mundua të mbahet në tranversale por ishte shumë i shkurtër dhe rezultati ishte qesharak

Të gjithëve na mungon Xherdan Shaqiri në Premier League.

Ish-ylli i Stoke Cityt dhe Liverpoolit u transferua te Lyoni në verë, por ai ishte absolutisht brilant të shikohej në ditën e tij më të mirë, transmeton Periskopi.

I aftë për të hapur mbrojtje me të majta impresive, Shaqiri është absolutisht një prej teknikëve më të mirë që kemi parë në Premier League në vitet e fundit.

Shaqiri luajti në elitën e futbollit anglez për gjashtë sezone – një arritje e jashtëzakonshme, marrë parasysh natyrën e tij modeste.

Si shtatshkurtër, do të faleshit po të mendonit se ai pati vështirësi në atë që konsiderohet si liga më kompetitive në botë.

Por aftësia e tij teknike e ka nxjerr atë vazhdimisht nga situatat e vështira.

Mirëpo, të enjten mbrëma në Europa League, mungesa e shtatgjatësisë e mundoi.

Mesfushori luajti 90 minuta, derisa Lyoni triumfoi 3-0 kundër Sparta Pragues.

Por ai shkoi viral pasi humbi një rast në pjesën e dytë.

Tentativa e Shaqirit për ta përfunduar aksionin nga afërsia u prit nga Florin Nita. Ai pastaj u mundua të kapet në transversale për ta ndalur momentumin që po e drejtonte në rrjetë.

Por ishte gabim i madh.

Pavarësisht kërcimit, Shaqiri dështoi që të paktën edhe të prekte transversalen, duke rënë në rrjetë.

Shikoni më poshtë. /Periskopi.com/

Shaqiri tries to catch the crossbar but ends up jumping into the net ?? pic.twitter.com/Bf90vk8jV4

— angelica (@angelllliiiii) November 6, 2021