Ylli i Arsenalit listohet si lojtar i Barcelonës në uebsajtin zyrtar të klubit
Fansat e Arsenalit ka filluar t’i kaplojë panika sot, pasi dikush vuri re se Alexandre Lacazette u përfshi në mesin e futbollis të Barcelonës, në uebsajtin zyrtar të klubit blaugran.
Në faqe ishin përfshirë të dhënat kyçe të sulmuesit francez, përfshirë “vendi i lindjes”, “data e lindjes”, “gjatësia” dhe “debutimi me klubin”, shkruan Periskopi.
Është e çuditshme të përfshihet një lojtar i një klubi tjetër në uebfaqen e Barçës.
A e zbuluan aksidentalisht transferimin e ri të verës?
Wooooowwww wtf is this all about? I seriously hope this is just a hack of some sort. Anyone know why the Barca official website were advertising Lacazette in their kit shop?? pic.twitter.com/qPrbYDePpm
— Arsenal Analysis (@4kanalysis) May 15, 2019
Nëse gjiganti katalunas do të interesohej në transferimin e sulmuesit, nuk do të ishte aspak befasi.
27-vjeçari, i cili ka shënuar 36 gola në 87 ndeshje për “Topçinjtë” që prej kur iu bashkua klubit më 2017, padyshim se do të përforconte skuadrën e Ernesto Valverdes.
Mirëpo, në javët e fundit është raportuar se klubi londinez është i gatshëm t’i ofrojë kontratë të re Lacazettes.
Kështu që do të kishte pak logjikë që klubi ta vinte atë në listën e shitjeve këtë verë, sidomos pasi francezi u shpall “Lojtari i Sezonit” nga klubi.
Sidoqoftë, fansat e Arsenalit kanë arsye për t’u shqetësuar pas këtij zhvillimi. /Periskopi.com/
