Zbulimi i Andi Bushatit: Rama synon të rekrutojë oligarkët e Kosovës për t’ia kundërvënë Albin Kurtit
Për analistin Andi Bushati takimi Rama-Kurti në Prishtinë anashkaluan çdo mosmarrëveshje duke mos folur për ‘Open Balkan’ apo çështje të tjera ku ndajnë mendime të ndryshme.
“Ne e dimë që të dy palët, nuk po them urrejtje por kanë armiqësi politike ndaj njëri-tjetrit. Situata reale është një luftë e ftohtë politike larg kartolinës së bukur që duan të na tregojnë”, tha Bushati.
Sipas Bushatit, Rama po përdor të njëjtën strategji siç ka vepruar në Shqipëri edhe në Kosovë. Analisti tha se kryeministri i Shqipërisë po kërkon të rekrutojë oligarkët e Kosovës për t’ia kundër vënë Kurtit.
Këtë tha, Bushati po synon ta realizojë përmes heqjes së tarifave doganore për bizneset e Kosovës.
“Pasi ka mbaruar punë me oligarkët e Shqipërisë, po do të rekrutojë edhe oligarkët e Kosovës për t’ia kundërvënë qeverisë së tyre”, tha analisti.
Kurse Baton Haxhiu tha se takimi ishte formal mes dy zyrtarëve pa pasur dashuri. Ai tha se “nuk ka pasur hipokrizi, qëndrimi ndaj Open Balkan është i qartë”.
“Nuk ka pasur hipokrizi, por ka pasur dallime”, tha Haxhiu duke shtuar se qeveria Kurti është një ndër qeveritë më të dobëta të Kosovës në lidhje me marrëdhëniet me Shqipërinë.
