Zbulohet paga e Bale në ShBA
Me konfirmimin e transferimit bombë të Gareth Bale në Los Angeles FC, thashethemet për pagën e tij të mundshme janë një nga temat e nxehta, kryesisht sepse mendohet se ai do të jetë lojtari më i paguar në MLS.
Sidoqoftë, paga e tij nuk do t’i afrohet as për së afërmi asaj që ai ka fituar me Real Madridin në vitet e fundit.
Sipas raportimeve rreth pagës së Bale, ish-lojtari i Real Madridit nuk do t’i afrohet as të përputhet me Xherdan Shaqirin e Chicago Fire, Javier ‘ Chicharito’ Hernandez i Los Angeles Galaxy ose i sapoardhuri i Toronto FC, Lorenzo Insigne.
Një raport nga Los Angeles Times thotë se një nga burimet e tyre pohoi se Bale do të paguhej pak më shumë se 1.6 milionë dollarë.
Megjithatë, është një shifër shumë e ulët në raport me atë që ka marrë Bale me Real Madridin, që vlerësohet të jetë 20.3 milionë dollarë.
Vlen të kujtojmë se ai e mori atë rrogë pasi nënshkroi një kontratë ende në kulmin e tij në vitin 2017 dhe tani me LAFC do të jetë afër 33 vjeç.
Lorenzo Insigne do të fitojë 12.42 milionë dollarë në vit në Toronto FC, ndërsa Xherdan Shaqiri nuk është shumë prapa me 8.15 milionë dollarë dhe Chicharito fiton 6 milionë dollarë me LA Galaxy.
