ZYRTARE: Lejohet zhvillimi i aktiviteteve sportive, sportet ekipore nuk përmenden
Ministrja për Kulturë, Rini e Sport, Vlora Dumoshi, ka dhënë lajmin e madh për lejimin e zhvillimit të aktiviteteve sportive.
Vendimi është marrë nga Qeveria e Kosovës.
Lajm shumë i rëndësishëm për artistët dhe sportistët tanë, Qeveria jonë ndër të tjera sapo morëm këtë vendim:
-“Lejohen aktivitetet sportive në hapësira të mbyllura dhe të hapura; stërvitjet dhe garat mund të organizohen në sportet individuale; në hapësirat e mbyllura gjatë stërvitjeve mund të marrin pjesë deri në 30 persona ndërsa në organizimin e garave mund të marrin pjesë deri në 50 persona gjithmonë duke u bazuar në Manualin për mbrojtjen nga përhapja e COVID19”, ka shkruar Dumoshi, raporton Gazeta Olle.
Në vendim nuk përmenden sporter ekipore, edhe pse sot filloi edhe Liga e Parë e futbollit.
“Matja e temperaturës është e detyrueshme për të gjithë gjatë hyrjeve në objekte të mbyllura sportive dhe në hapësirat e hapura sportive;
– Lejohen fitneset si dhe pishinat e mbyllura për aktivitete individuale rekreative, në përputhje me Manualin për mbrojtjen nga përhapja e COVID19. Matja e temperaturës është e detyrueshme për të gjithë gjatë hyrjeve në objekte”, ka shtuar tutje Dumoshi.
