9 orë më parë1 muaj nga zgjedhjet, pse Vetëvendosje po e “zhagit” procesin e certifikimit të rezultateve?
Periskopi(një vit më parë)
(një vit më parë)Nesër bëhen fiks një muaj që nga mbajtja e zgjedhjeve parlamentare të 9 shkurtit në Kosovë. Nga rezultatet që Komisioni Qendror i Zgjedhjeve ka publikuar, asnjë parti nuk ka siguruar votat e mjaftueshme që të krijojë Qeverinë pa koalicione- as Lëvizja Vetëvendosje e cila pikëqëllim i pati 500 mijë vota, shkruan Periskopi. Por, pse Vetëvendosje […]
Nesër bëhen fiks një muaj që nga mbajtja e zgjedhjeve parlamentare të 9 shkurtit në Kosovë. Nga rezultatet që Komisioni Qendror i Zgjedhjeve ka publikuar, asnjë parti nuk ka siguruar votat e mjaftueshme që të krijojë Qeverinë pa koalicione- as Lëvizja Vetëvendosje e cila pikëqëllim i pati 500 mijë vota, shkruan Periskopi.
Por, pse Vetëvendosje po e vonon procesin e certifikimit të rezultateve?
Certifikimi i rezultateve do të zvarritet edhe për disa ditë, pasi sot zëdhënësi i KQZ, Valmir Elezi tha për Periskopin se janë dërguar tri ankesa në Panelin. Zgjedhor të Ankesave.
Periskopi ka mësuar nga burimet brenda PZAP se Vetëvendosje është partia që ka dërguar ankesa.
VV e painteresuar për certfikimin e rezultateve, e vonon procesin duke dërguar ankesa në PZAP
Këtë e ka konfirmur edhe zëdhënësi i VV’së, Arlind Manxhuka.
“Po, kemi dërgu ankesë në PZAP për votimin me postë. Dy ankesa, një për manipulimin e votave të LDK-së e tjetra për përfshirjen e të gjithë votave të pavlefshme sipas vendimit të parë të PZAP”, ka thënë ai, raporton Koha.
Në anën tjetër, Manxhuka ka kërkuar hetim, pasi LDK-ja pati rritje të votave nga diaspora.
“Është evidente skema që është përdorur nga votimi përmes postës në mërgatë. 400% më shumë vota për LDK-në, me vota shabllone për kandidatë të caktuar, ndërkohë që ekstremisht larg nga ky trend janë PDK e parti të tjera opozitare.
Lëvizja VETËVENDOSJE! kërkon hetim të plotë për të gjitha parregullsitë e raportuara në mënyrë që të sigurohet një proces zgjedhor i pastër, i drejtë dhe i ndershëm. Sikurse, shkeljet dhe parregullsitë e evidentuara tashmë i kemi raportuar në polici dhe prokurori. Mbetemi në pritje të reagimeve konkrete dhe zyrtare nga institucionet përgjegjëse”, shkroi Manxhuka.
Kujtojmë se në këto zgjedhje, duke përfshirë të gjitha votat, Vetëvendosje ka marr 42.27%, e dyta renditet PDK me 20.96%, LDK me 18.28%, AAK 7.07 %.
Gjatë fushatës zgjedhore Vetëvendosje kërkonte 500 mijë vota për të pasur pushtet absolut, por rezultatet e 9 shkurtit ishin shumë larg kërkesës së Vetëvendosjes.
