5 minuta më parëA do ta votojë sot Bordi për drejtor të RTK’së militantin e Vetëvendosjes? (Foto)
Periskopi(3 vite më parë)
(3 vite më parë)Partia në pushtet si duket nuk do që ta lë mangu me kapje as Televizionin Publik të Kosovës. Rilind Gërvalla, aktivist i devotshëm i Lëvizjes Vetëvendosje është favorit për t’u bërë drejtor i RTK’së. Votimi për këtë pozitë pritet të bëhet sot dhe mbetet të shihet nëse bordi i televizionit do të japë votat për […]
Burime brenda RTK’së kanë bërë të ditur për Periskopin se Bordi i Radiotelevizionit të Kosovës, sot pritet ta votojë emrin e drejtorit të ri të RTK-së, ku kandidat është edhe Rilind Gërvalla – anëtar i Këshillit të përgjithshëm të VV-së, një prej organeve më të larta të partisë.
Rregullorja e RTK-së për kandidatët që konkurojnë për pozita menaxheriale – siç është ajo e drejtorit të televizionit – e thonë qartë se kriter kryesor për të qenë pjesë e menaxhmentit të RTK-së është që kandidati të mos jetë pjesë e partive apo forumeve të partive politike të paktën në tri vitet e fundit.
Ndryshe, Gërvalla deri tani ka qenë edhe redaktor përgjegjës brenda RTK’së.
Aktivizmin e tij të gjatë dhe me shumë përkushtim e dëshmojnë fotografitë më poshtë nga pjesëmarrja nëpër aktivitete, mbledhje të këshillit, votime, e madje edhe nëpër protestat e dikurshme të Vetëvendosjes.
Kujtojmë se menaxhmenti aktual i RTK-së ka qenë jashtëzakonisht i zëshëm në të kaluarën për të denoncuar me të drejtë politizimin e transmetuesit publik./PERISKOPI/
