A e kopjoi Lista Guxo, Partinë e Fortë me idenë e kryetarëve?
Në praninë e rreth 400 delegatëve, ministri i Bujqësisë, Faton Peci dhe ministrja e Punëve të Jashtme, Donika Gërvalla, janë zgjedhur kryetarë të përbashkët të Partisë Guxo. Parashihet që Peci e Donika Gërvalla të kenë fuqi të barabartë vendimmarrëse.
Ideja që një parti të ketë dy kryetarë, në fillim u pa si e “çuditshme”. Megjithatë, deputeti i kësaj partie, Burim Meta u mburr që partia e tij ka dy kryetarë, duke thënë që “partia Guxo gjithmonë sjell risi”.
Por, Periskopi ua kujton publikut të gjerë që kjo ide daton që moti.
“Partia e Fortë” e formuar në vitin 2013 kishte dy udhëheqës, “kryetarin legjendar” Visar Arifaj dhe Yll Rugovën.
Kjo parti politike kishte premtuar që gjithkush që anëtarësohet në subjektin e tyre, automatikisht do të bëhej edhe kryetar.
Andaj, nuk dihet nëse po të njëjtin shembull do ta ndjek edhe partia Guxo në krye me Donika Gërvallën dhe Faton Pecin. /PERISKOPI/
