A ka Kosova rezerva shtetërore të naftës?

Neni 12 i Ligjit për Rezervat Shtetrore parasheh që në mesin e produkteve të rezervave duhet të jetë edhe nafta dhe derivatet e saj.

“Prodhimet e caktuara jo ushqimore industriale-lëndët e para, materiale reprodukuese, naftës dhe derivate të saj, barnat, material sanitar, dhe mjete medicino-veterinare të domosdoshëm për transport-bartje të mallrave me interes të posaçëm për mbrojtje të shtetit”, thuhet në ligj.

Nga Shoqata e Naftëtarëve në Kuvendin e fundit e kanë ngritur si çështje se rezervat e naftës duhet të ruhen në deponi dhe në pika karburanti.

Fadil Berjani, kryetar i kësaj shoqate ka thënë se rezervat e naftës duhet të ruhen në deponi dhe në pika karburanti deri 50 për qind.

“Në deponi të shfrytëzohet 50 për qind e kapacitetit, ndërsa në pika të karburantit duhet të shfrytëzohet deri 40 për qind të kapacitetit. Qeveria duhet të investojë në rritjen e kapacitetit të rezervave”, ka thënë Berjani për Periskopin.

Periskopi ka kërkuar përgjigje nga Ministria e Industrisë dhe Tregtisë në lidhje me krijimin e rezervës shtetrore, por nuk kemi marr përgjigje.

Çmimi i derivateve e kaloi 1.50 euro për shkak të nisjes së luftës në mes Amerikës-Izraelit dhe Iranit. Problemi është ngushtica e Hormuzit ku kalon një pjesë  e madhe e anijeve të ngarkuara me derivate, e që Irani ka kërcenuar se do t’i bombardojë të gjitha ngarkesat në det.

Kjo e ka afektuar edhe Kosovën, që përmes një vendimi ministrja e Industrisë dhe Tregtisë, Mimoza Kusari, po provon ta frenojë çmimin duke ua përcaktuar marzhën e fitimit 12 cent për litër atyre me pakic dhe 2 cent për litër atyre me shumicë./Periskopi/

Shteti nis kontroll të rreptë për çmimet e naftës në Kosovë, kjo është marzha maksimale

Inspektorati shton kontrollet për çmimet e naftës në tregun e Kosovës

Një bombë në këtë ishull iranian mund të tronditë botën, 90% e naftës iraniane kalon nga aty

Çmimet e naftës sërish rriten

Irani paralajmëron botën – çmimi i naftës mund të dyfishohet