3 orë më parëA kishte Sveçla anulim të vizitës në SHBA? Tregon për Periskopin asistentja e tij ekzekutive
Periskopi(4 vite më parë)
(4 vite më parë)Sot gjatë ditës, Periskopi raportoi se si ministrja Albulena Haxhiu nuk do të mund të udhëtojë për në Amerikë në dhjetor, gjë të cilën e konfirmoi vet para pak çastesh. E bashkë me të, në media u shkrua se atje nuk do të mund të shkojë as ministri Xhelal Sveçla. Mirëpo asistentja e këtij të […]
Përderisa Haxhiu thotë se e ka shtyer vizitën në Amerikë shkaku i situatës në vend, Xhelal Sveçla, sipas asistentes së tij ekzekutive e cila foli sonte për Periskopin, s’ka pasë fare vizitë të planifikuar atje.
‘’Jo nuk ka pasë planifikim për vizitë dhe raportimet për diçka të tillë nuk qëndrojnë. E as të përbashkët me ministren Haxhiu’’, ka thënë Bytyqi për Periskopin.
Ndryshe, Albulena Haxhiu ka pretenduar se bashkarisht me Shtetet e Bashkuara të Amerikës, kanë vendosur që vizita e saj të shtyhet për një kohë më të përshtatshme. Lidhur me anulimin e kësaj vizite, fillimisht ka raportuar sot Periskopi.
“Sot pasdite jam takuar me zyrtarë të lartë të Ambasadës së SHBA-ve në Kosovë. Ndër të tjera, diskutuam edhe rreth ftesës së tyre për vizitë në SHBA. Marrë parasysh situatën aktuale politike në vend, bashkërisht kemi konsideruar se duhet ta shtyejmë për një datë më të përshtatshme vizitën”, ka thënë ajo.
E siç ka raportuar Reporteri, në një takim me gazetarë, sot ambasadori Hovenier ka thënë se ministrat nuk është mirë të udhëtojnë jashtë vendit në kohë krize.
Ai ka thënë se ata duhet angazhuar brenda vendit.
Hovenier, duke u përgjigjur në pyetjen lidhur me vizën për ministren Haxhiu, ka thënë se nuk e sheh të vështirë që një ministër të marr vizë amerikane, por tani për tani, për shkak të krizës pas ngjarjeve në veri, nuk është koha më e duhur që ministrat të udhëtojnë për në SHBA për takime zyrtare.
“Ne aktualisht jemi në një krizë, dhe është pikëpamja jonë që, ne jemi tejet të përqendruar në këtë krizë, besojmë që edhe kjo qeveri është e përqendruar në këtë krizë, dhe mendojmë se nuk është koha mbase domosdoshmërisht më e duhura që ministrat të jenë duke udhëtuar për në ShBA për takime zyrtare duke e pasur parasysh krizën të cilën duhet trajtuar këtu. Dhe këtë po ua komunikojmë zyrtarëve të ndryshëm në qeveri”, ka thënë Hovenier./PERISKOPI/
