Aksident i rëndë në Lipjan, vdes një person
Një person ka vdekur si pasojë e një aksidenti që ka ndodhur në Lipjan sot në orët e pasditës.
Rasti ka ndodhur në rrugën “Ibrahim Rugova”.
Lajmi është konfirmuar edhe nga Policia e Kosovës.
Në aksident ishin të përfshirë një kamion dhe veturë, ku si pasojë shoferi i veturës ka vdekur.
“Nga informatat e para është bërë e ditur se në aksident janë përfshirë një veturë dhe një kamion dhe për pasojë një person, mashkull, 71 vjeç, ka humbur jetën. Përderisa policia ka dalë në vendin e ngjarjes dhe ka nisur punën për hetimin e shkaqeve që kanë sjellë deri te aksidenti, me urdhër të prokurorit të shtetit vozitësi i kamionit është dërguar në mbajtje prej 48 orësh”, thuhet në njoftimin e Borovcit.
