Aksion i policisë në Podujevë: Sekuestrohen tre aparate për prodhimin e kriptovalutave

Periskopi.com Lajme

Policia e Kosovës ka konfiskuar tre aparate për prodhimin e kriptovalutave.

Njësitet nga Stacioni Policor i Podujevës së bashku me Njësitin e Reagimit të Shpejtë, kanë mbështetur ekipe të KEDS në Fsh. Surkish ku janë gjetur dhe sekuestruar tre aparate për prodhimin e kriptovalutave.

Ky është njoftimi i plotë i policisë:

Sekuestrohen tre aparate për prodhimin e kriptovalutave

Me datë 06.01.2022 rreth orës 16:00, njësitet nga Stacioni Policor i Podujevës së bashku me Njësitin e Reagimit të Shpejtë, kanë mbështetur ekipe të KEDS në Fsh. Surkish ku janë gjetur dhe sekuestruar tre aparate për prodhimin e kriptovalutave.

Marrë parasyshë procedurat ligjore lidhur me këtë rast janë njoftuar zyrtarët përgjegjës të Doganës së Kosovës dhe në koordinim me ta do të ndërmerren veprimet e mëtejme.