10 minuta më parëAmbasadori britanik takohet me Abdixhikun, flasin për zgjedhjet e 28 dhjetorit
Periskopi(6 muaj më parë)
(6 muaj më parë)Kryetari i Lidhjes Demokratike të Kosovës, Lumir Abdixhiku, priti sot në Selinë Qendrore ambasadorin e Mbretërisë së Bashkuar në Kosovë, Jonathan Hargreaves. Sipas një njoftimi nga ana e partisë, në këtë takim, Abdixhiku dhe Hargreaves diskutuan mbi zhvillimet e fundit politike në vend, si dhe qëndrimet e LDk-së ndaj këtyre zhvillimeve, me theks të veçantë […]
Sipas një njoftimi nga ana e partisë, në këtë takim, Abdixhiku dhe Hargreaves diskutuan mbi zhvillimet e fundit politike në vend, si dhe qëndrimet e LDk-së ndaj këtyre zhvillimeve, me theks të veçantë në procesin zgjedhor të 28 dhjetorit.
Bazuar në njoftim, Abdixhiku e informoi ambasadorin britanik për përgatitjet e intensifikuara të LDK-së për zgjedhjet nacionale dhe angazhimin e partisë për një proces demokratik, të drejtë dhe gjithëpërfshirës.
“Po ashtu theksoi mobilizimin e strukturave në të gjitha komunat, finalizimin e programit qeverisës, si dhe angazhimin e partisë për një fushatë konstruktive dhe të orientuar kah qytetari. Kryetari Abdixhiku nënvizoi se LDK-ja është e gatshme të paraqesë një ofertë serioze dhe vizionare për të ardhmen e vendit, duke u mbështetur në përvojën institucionale që ka”, theksohet në komunikatën e lëshuar nga LDK.
“Kryetari Abdixhiku i shprehu mirënjohjen ambasadorit Hargreaves për mbështetjen e vazhdueshme që Mbretëria e Bashkuar i ka dhënë dhe vazhdon t’i japë Kosovës në proceset e saj më të rëndësishme shtetformuese dhe demokratike”.
