As Ministria e Jashtme nuk e di se si u gjend ambasadori Avni Arifi në tavolinë me Gjuriqin

Avni Arifi me këtë rast ka tejkaluar komptencat e tij si ambasador, duke shkuar të takohet me Marko Gjuriqin, si përfaqësues i Serbisë në Berlin.

Meqenëse ambasadorët janë nën komptencë të Ministrisë së Jashtme, kjo e fundit nuk di gjë për këtë takim.

‘MPJ nuk ka informacione për këtë takim. Kontaktojeni zyrën e Kryeministrit’, ka thënë shkurt Jetlir Zyberaj për Periskopin.

Se nuk di gjë MPJ, e ka thënë edhe këshilltari tjetër, Liridon Llapashtica.

“Ministria e Punëve të Jashtme s’ka asnjë informacion në lidhje me temën që po e trajtoni ju. MPJ nuk ka qenë e informuar në lidhje më këtë takim. Ju lutem drejtojuni Zyrës së Kryeministrit”, ka thënë shkurt Llapashtica.

Kryeministri Ramush Haradinaj ka akuzuar në vazhdimësi presidentin Hashim Thaçi për takime sekrete me palën serbe, por njerëz të afërt të tij po e bëjnë të njëjtën në Berlin.

Ka kohë që është paralajmëruar që Samiti i Parisit më 1 korrik, mund të dështojë, për shkak të taksës ndaj Serbisë. Takimi i fundit i kryeministrit Haradinaj në Berlin, e ka konfirmuar kërkesën ekskluzive të kancelares Angela Merkel, për heqjen ose pezullimin e taksës. Një gjë e tillë, jo që është mohuar, por madje është pohuar nga kryeministri Haradinaj, i cili e kishte përmendur këtë kërkesë të Kancelares Merkel ‘në kontekst të gjetjes së parametrave për të ecur tutje në dialog’./PERISKOPI/