“Asnjë cent më shumë” – Nis protesta kundër shtrenjtimit të rrymës

Protesta qytetare nën organizimin e iniciativës “Asnjë cent më shumë”, ka nisur të shtunën, në kundërshtimit të shtrenjtimit të sërishëm të energjisë elektrike.

Nën moton “15% nuk kalon! Monopoli privat nuk kalon” një numër modest i qytetarëve janë tubuar në sheshi “Skënderbe” me fillim në orën 15:00, transmeton Periskopi.

“Stop vjedhjes me tarifa”, “Fatura jonë, pasuria jonë”, “Nuk duam të ikim prej Kosove”, janë disa nga pankartat që po mbajnë në duar të pranishmit.

Zyra e Rregullatorit të Energjisë propozoi që çmimi i energjisë elektrike të shtrenjtohet për 15 për qind, duke nisur nga muaji prill i këtij viti. Një propozim i tillë u kundërshtua nga Presidenca.

Ndërkohë qeveria në detyrë propozoi një “rritje më të butë” të çmimit të rrymës.