“Atyre ju ka mjaftuar komoditeti në zyrat e tyre në Kryeqytet”, deputeti i VV-së akuzon Qeveritë e kaluara edhe për çështjen e dinarit

Thaçi nga Lëvizja Vetëvendosje thotë se vendimi i BQK-së do duhej të zbatohej shumë më herët, por sipas tij Qeverive të kaluara nuk ju ka bërë përshtypje kjo pjesë.

“Vendimi i BQK për dinarin ka qenë dashtë të zbatohej shumë kohë më heret, por siq po shihet Qeverive të kaluara nuk ju ka bërë përshtypje as dinari e as sovraniteti në një pjesë të Republikës së Kosovës, atyre ju ka mjaftuar komoditeti në zyrat e tyre në Kryeqytet”, deklaroi deputeti i VV-së, Halil Thaçi në një pronocim për Periskopin.

I dërguari i BE-së për dialogun Kosovë-Serbi, Miroslav Lajçak, duke konsideruar se takimet paraprake ishin të dobishme, ka shkruar se pret të gjendet një zgjidhje për çështjen e Rregullores së Bankës Qendrore të Kosovës.

“Në përgjithësi, takimi ka qenë i dobishëm. Të dyja palët patën mundësinë t’i shpjegojnë idetë dhe qëndrimet e tyre. Në fund u konkludua se do të duhej edhe një tjetër takim. Palët do të kthehen në Bruksel këtë javë dhe shpresojmë se do të jemi në gjendje të kapërcejmë hendekun e mbetur”, tha Lajçak.

Kosova dhe Serbia kanë dhënë propozimet e tyre se si e shohin zgjidhjen për çështjen e dinarit, por në takimin e fundit në Bruksel midis kryenegociatorëve u tha se palët ishin larg qëndrimeve për të arritur një marrëveshje./Periskopi/