Babai i Bebe Rexhës kritikon të bijën: Boll më me foto pornografike, kam turp të dalë në rrugë

Këngëtarja shqiptare Bebe Rexha ndoshta i ka 29 vite, por për disa gjëra ende pyetet babai i saj. Në të vërtetë, në Instagram Story, bukuroshja shqiptare ka treguar mesazhin i cili i kishte ardhur nga Flamur Rexha, i cili është babai i saj.

“Do të ishte më mirë që të ndërpresësh publikimin e fotove të pista pornografike, sepse më vjen të vjell nga ty. Nuk mund ta duroj më këtë, kam turp që të dal në rrugë. Vërtetë jam i zemëruar me ty”, i ka shkruar babai i saj.

Ky mesazh ka shkaktuar reagime të ashpra në publik, prandaj Bebe është dashur t’ju drejtohej fansave të saj në Twitter, duke i dalë në mbrojtje babait të saj.

“Babai im nuk është një tip i keq dhe nuk është dashur ta publikoj atë fotografi, sepse e kam dëshpëruar vetveten. Kam dashur të jem vetëm sarkastike. E kuptoj si baba dhe e di se shkaku i veprimit tim, mesazhi i tij dukej tepër i vrazhdë. Po, më dhemb fakti që ai ende nuk flet me mua, por prapë ende ai është babai im”, ka shkruar këngëtarja, duke shtuar se i lut të gjithë që mos ta ofendojnë më babin e saj, shkruan Zeri.info.

Përndryshe, këngëtarja shqiptare njihet për stilin e saj provokues, ndërsa edhe vetë ajo ka folur për këtë, pasi ka nxjerrë në treg videospotin provokues për këngën e re “Last Hurrah”, i cili ka marrë mbi 5.5 milionë shikime për vetëm katër ditë.

“Unë jam një femër e cila jeton pa kompromis. Nuk do të lejoj që të më imponohet ndjenja e fajësisë sepse krijoj art. Po, për mua art është edhe nxjerrja në pah e vitheve të mrekullueshme, meshkujt që puthin meshkujt, femrat që puthin femrat, kryqi në trupin tim. Po ta bënte këtë një reper mashkull, gjithçka do të ishte në rregull. I vetmi person të cilit mund t’i kërkoj falje për këtë, është Zoti, nëse rastësisht e kam ofenduar, por këtë këngë e kam shkruar me zemër të pastër dhe kam dashur të tregoj se të gjithë luftojmë me përvojat personale. Zoti e ka krijuar seksin, ndërsa unë e dua seksin”, ka deklaruar Bebe.