një minutë më parëÇitaku për 100 eurot për studentët: Manipulim për nevoja elektorale
Periskopi(8 muaj më parë)
(8 muaj më parë)Vlora Çitaku, nënkryetare e Partisë Demokratikë të Kosovës, e ka quajtur manipulim e panik ndarjen e shtesave prej 100 euro për secilin student të Kosovës, sipas vendimit të Qeverisë në detyrë. Të enjten nisi shpërndarja e mjeteve për grupin e parë të studentëve. E Çitaku tek e ka publikuar mesazhin që u ka shkuar studentëve […]
Të enjten nisi shpërndarja e mjeteve për grupin e parë të studentëve. E Çitaku tek e ka publikuar mesazhin që u ka shkuar studentëve për këtë njoftim, ka thënë se ky është abuzim me taksa për nevoja elektorale.
“Ja si duket abuzimi me taksat e qytetarëve të Republikës së Kosovës për nevoja elektorale të Kryetarit të LVV. Vetëm tre ditë para zgjedhjeve, me paratë e qytetarëve të varfëruar, të cilëve ua ka shtrenjtuar rrymën për t’i shërbyer mafias energjetike, ai shpërndan nga 100 euro për studentët. Ky nuk është as kujdes social, as mbështetje për rininë. Është mashtrim. Është manipulim. Është papërgjegjësi. Dhe mbi të gjitha, është panik”, ka shkruar ajo në Facebook.
