Çka është Samiti për Demokraci nga i cili Amerika e la jashtë Kosovën? Ja çka thoshte presidenti Biden
Kosova duket se ka pësuar një poshtërim të rëndë nga aleati më i madh strategjik i saj, Amerika. Ajo nuk është ftuar në Samitin e madh për Demokraci ashtu siç janë ftuar 100 shtete tjera. Por, çka është ky samit?
Ashtu si Kosova, nuk janë ftuar as Serbia me Bosnjen por të cilat nuk kishin lidhje tradicionalisht të forta e miqësore me ShBA-të e veçanërisht me administratën e Joe Biden siç i kishte vendi ynë.
100 shtete janë ftuar në këtë samit, mes të cilave edhe të tilla që nuk kanë pasur as afërsisht relacione të mira me ShBA-të sa Kosova.
“Demokracia nuk ndodh aksidentalisht. Duhet ta mbrojmë, duhet të luftojmë për të, ta forcojmë, ta përtërijmë.” – kishte deklaruar për samitin presidenti Joe Biden në shkurtin e vitit 2021, përcjell Periskopi.
Ky samit do të mbahet prej 9 deri më 10 dhjetor.
“Demokracia dhe të drejtat e njeriut janë nën kërcënim në mbarë botën. Demokracisë – qoftë në tranzicion apo e vendosur për dekada – po përballen me sfida serioze nga brenda dhe jashta kufijve.” – shkruhet në reagimin e Departamentit amerikan të Shtetit.
“Në të njëjtën kohë, liderët autoritarë po cenojnë demokracinë – nga sulmi ndaj gazetarëve, mbrojtësve të të drejtave të njeriut e deri te përzirja në zgjedhje duke pretenduar se modeli i tyre politik është më i mirë për popullin,” – vijohet më tej.
Tri temat qendrore të këtij samiti do të jenë:
- Mbrojtja kundër autoritarizmit;
- Adresimi dhe luftimi i korrupsionit;
- Avancimi i respektimit i të drejtave të njeriut.
