5 orë më parëData e zgjedhjeve lokale: LDK e AAK e takojnë sot presidenten
Periskopi(5 vite më parë)
(5 vite më parë)Lidhja Demokratike e Kosovës (LDK) dhe Aleanca për Ardhmërinë e Kosovës (AAK) do të shkojnë në takimin e thirrur nga presidentja, Vjosa Osmani për diskutuar për datën e zgjedhjeve lokale. Zëdhënësja e LDK-së, Sibel Halimi i ka thënë Periskopit se takimi do të fillojë në ora 16:15. “Takimi do të mbahet në orën 16:15”, ka […]
Zëdhënësja e LDK-së, Sibel Halimi i ka thënë Periskopit se takimi do të fillojë në ora 16:15.
“Takimi do të mbahet në orën 16:15”, ka thënë ajo.
Ndërkohë, edhe zëdhënësi i AAK-së, Lulzim Blaka për Periskopin ka konfirmuar se edhe partia e tij do të takohet me presidenten.
Blaka ka thënë se në takim do të shkojë, Sekretari i Përgjithshëm i kësaj partie, Besnik Tahiri ndërsa takimi do të fillojë në ora 17:00.
“Ora 17:00 Sekretari i Përgjithshëm Besnik Tahiri do të takohet me Presidenten për temën e caktimit të datës për zgjedhjet lokale”, ka thënë ai.
Ndryshe, zgjedhjet e fundit lokale në Kosovë u mbajtën më 22 tetor të vitit 2017, ndërsa pritet që edhe zgjedhjet lokale të këtij viti të mbahen në po këtë muaj.
Nuk ka ndonjë datë të saktë se kur mund të mbahen zgjedhjet lokale, por deri me tani dihet se disa parti politike kanë caktuar kandidatët e tyre për kryetar në disa komuna të vendit./Periskopi/
