10 minuta më parëDel edhe një grant 100 mijë eurosh i Pecit: Kjo është lidhshmëria e tij familjare me përfituesin, Shkëlzen Xhaferi
Periskopi(një vit më parë)
(një vit më parë)«As nuk e di kush po aplikon », një deklaratë tashmë e njohur e ministrit në detyrë të Bujqësisë, Faton Peci, për ata të cilët janë përfitues të granteve 100 mijë eurosh nga AZHB. Megjithatë, Periskopi vazhdimisht ka raportuar rreth këtyre granteve që dalin se kanë lidhshmëri direkte me ministrin në detyrë, Faton Peci. Së […]
Enis Rrustemi, Periskopi
Pas një hulumtimi të Periskopit, Peci shihet shpesh nën shoqërinë e Xhaferit. Madje ky i fundit e konsideron mik të afërt ministrin në detyrë.
Në vitin 2023, tek lista e përfituesve të granteve gjejmë emrin e Shemsi Xhaferit. Shemsiu, përfitues i grantit 100 mijë eurosh nga AZHB, është babai i Shkëlzenit.
Ky i fundit, ka hapur në ARBK një biznes në emër të babait të tij, sic duket vetëm për të aplikuar për grantin në fjalë. Në regjistrimin e biznesit në ARBK, shihet se e-mail i dhënë është me emrin e Shkëlzenit.
Më poshtë gjeni dëshmitë se si Shkëlzen Xhaferi shihet në aktivitete të ministrit Peci pasi i ka shpërndarë grantet.
Se Shkëlzen Xhaferi a ka mik të afërt Pecin, shihet edhe në foton më poshtë në urimin e ditëlindjes.
Madje, ajo që bie në sy, është se si ministri Peci kishte publikuar një foto gjatë një vizite në Vushtrri, ku aty shihej edhe Shkëlzeni. Por, të njëjtën fotografi e ka edituar më pas, duke e prerë.
/Periskopi/
