6 minuta më parëDështoi ta kapte pozitën e asamblistit nga LVV, kush është Hasan Krasniqi që dyshohet se u arrestua
Periskopi(2 vite më parë)
(2 vite më parë)Kryeshefi i KRU “Gjakova”, Hasan Krasniqi, dyshohet se është arrestuar në Bullgari, në bazë të një urdhërese aktive të lëshuar nga autoritetet italiane. Krasniqi dyshohet se ka rënë në prangat e Policisë në Bullgari para disa ditësh teksa kishte marrë rrugën për pushime bashkë me familjen e tij. Deri më tash asnjë institucion s’ka kthyer […]
Ish-kandidati i Lëvizjes Vetëvendosje për asamblist në Komunën e Gjakovës, Hasan Krasniqi, ishte zgjedhur në pozitën e kryeshefit në Kompaninë Rajonale të Ujësjellësit “Gjakova” para dy vitesh. Hasani u zgjodh në këtë pozitë, të cilën e mbante edhe sa ishte bordi i përkohshëm i kësaj kompanie.
Ndërkohë vëllezërit e tij e kanë mohuar që Krasniqi është ndaluar, duke dhënë deklarata kontradiktore për vendndodhjen e tij. Sinjali ka kontaktuar dy vëllezërit e tij, të cilët kanë thënë se Krasniqi ndodhet jashtë vendit, por njëri u shpreh se “është në Kroaci” e tjetri tha në Bullgari.
Kurse nga KRU Gjakova janë deklaruar se kryeshefi është në pushim vjetor, teksa s’kanë dhënë informacione të tjera.
Ndryshe, Hasan Krasniqi ishte emëruar në këtë pozitë pasi fillimisht kishte dështuar të kapte pozitën e asamblistit nga radhët e Vetëvendosjes në Komunën e Gjakovës.
Kujtojmë se Krasniqi në qershor të vitit të kaluar ka qenë i përfshirë në një përleshje me një fqinj të tij. Nga kjo rrahje përveç Krasniqit, e kishte pësuar edhe gruaja e tij, gjatë tentativës për të ndërhyrë në mes të tyre.
Gazeta Sinjali pati publikuar pamje ekskluzive nga ky rast, ku shihet se Krasniqi dhe i dyshuari tjetër Besnik Sharani, janë rrahur me njëri-tjetrin, por vetëm ky i fundit kishte përfunduar në ndalim policor.
