8 orë më parëDështon për të 26’ën herë konstituimi i Kuvendit, VV’së nuk i kalon votimi i fshehtë
Periskopi(një vit më parë)
(një vit më parë)Një tjetër përpjekje, e 26’të me radhë, për konstituimin e Kuvendit ka dështuar sërish. As sot, Lëvizja Vetëvendosje nuk i kishte numrat. Në sallë ishin 111 deputetë, transmeton Periskopi. VV ka vazhduar me përpjekjen për ta ndryshuar formën e votimit për zgjedhjen e Kryetarit të Kuvendit, në votim të fshehtë, por që nuk ka marrë […]
VV ka vazhduar me përpjekjen për ta ndryshuar formën e votimit për zgjedhjen e Kryetarit të Kuvendit, në votim të fshehtë, por që nuk ka marrë mbështetje.
Partitë tjera, si PDK, LDK, AAK dhe Lista Serbe s’kanë propozuar fare anëtarë për Komisionin për votim të fshehtë. Kur është hedhur në votim përbërja e komisionit, ata s’kanë marrë pjesë fare në proces.
Në dështim të votimit të Komisionit, Kryesuesi Avni Dehari ka ndërprerë seancën.
“53 deputetë për, një kundër, abstenime s’ka. Ndërpritet seanca”, tha Dehari.
Përpjekja e radhës do të bëhet të enjten, në orën 11:00.
E propozuara e VV’së për këtë pozitë vazhdon të mbetet Albulena Haxhiu. /Periskopi
