8 minuta më parëDialogu Kosovë-Serbi, emisari i BE-së të enjten në Kosovë – takon vetëm Bislimin
Periskopi(një vit më parë)
(një vit më parë)I dërguari i Bashkimit Evropian për dialogun mes Kosovës dhe Serbisë, Peter Sorensen, do të vizitojë Kosovën këtë të enjte, një ditë pas mbajtjes të seancës konstituive, raporton Periskopi. Burimet e Periskopit bëjnë të ditur se Sorensen do të zhvillojë takim me zëvendëskryeministrin në detyrë, Besnik Bislimi në ndërtesën e Qeverisë. Ndryshe, më 19 mars, […]
Burimet e Periskopit bëjnë të ditur se Sorensen do të zhvillojë takim me zëvendëskryeministrin në detyrë, Besnik Bislimi në ndërtesën e Qeverisë.
Ndryshe, më 19 mars, Sorensen vizitoi Kosovën pas marrjes së postit në muajin shkurt, duke e zëvendësuar paraardhësin e tij, Miroslav Lajçak.
Gjatë takimeve, Sorensen ka shprehur angazhimin e Bashkimit Evropian për vazhdimin e dialogut dhe ka theksuar rëndësinë e arritjes së marrëveshjeve të qëndrueshme për normalizimin e marrëdhënieve ndërmjet dy vendeve.
Mesazhet e tij kanë përfshirë nevojën për konstruktivitet dhe angazhim të palëve për të adresuar sfidat që pengojnë avancimin në procesin e integrimit evropian të Kosovës, duke theksuar gjithashtu rolin e opozitës në forcimin e institucioneve demokratike dhe në avancimin e reformave./Periskopi/
