Dy lëndë të reja pritet të shkojnë në Gjykatën Kushtetuese për ngërçin politik

E para, nga presidentja Vjosa Osmani, është lënda që do t’i paraqitet Kushtetueses në rast se institucionet nuk konstituohen deri më 26 korrik. Gjatë konferencës së kësaj jave, Osmani paralajmëroi se do të ketë pasoja ligjore:

“Unë mund të bëj thirrje për dëmin, rreziqet që po përballen vendi nëse s’kemi konstituim… jam e bindur se si për çdo afat, edhe për këtë afat, nëse nuk respektohet duhet të ketë pasoja juridike. S’po flas për pasoja penale, po flas për juridike… Çka ndodhë me institucione nëse nuk konstituohen deri më 26 korrik?”

Ajo sqaroi: “Nëse… këtë vikend nuk ka institucione apo marrëveshje, në fillim të javës do t’i drejtohemi Gjykatës.”

E dyta, e propozuar nga Lëvizja Vetëvendosje, ka të bëjë me një vendim të Gjykatës Supreme, e cila ka vendosur se deputeti dhe ministri në detyrë, Hekuran Murati, nuk mund të mbajë dy pozita njëkohësisht. VV-ja synon të apelojë këtë vendim në Kushtetuese.

“Betimin ministri Murati e ka bërë më 19 prill, udhëzimi është nënshkruar më 15 prill, janë tri ditë përpara, nëse s’e numërojmë 15 prillin. Është situatë e paqartë, sepse Gjykata Supreme ka shtuar diçka që nuk ezkiston në ligjin për Qeverinë.

Kur konstituohet Kuvendi, formohet Qeveria, nëse ministri Murati do të jetë sërish ministri, s’kemi vendosur mos më citoni, atëherë natyrisht që nuk do të jetë më deputet.

“Do ta ankimojmë këtë vendim në Gjykatën Kushtetuese sa më shpejt… përmes avokaturës shtetërore do të bëhet ankimimi”, tha ajo.

Pritet të shihet nëse Kushtetuesja do të pranojë rastet dhe do të vendosë për afatet dhe sqarimet e nevojshme./Periskopi/