“Faleminderit për fjalimet e gjata”. “S’kemi me zbulu ujin e nxehtë” – Xhavit Haliti pyetje për Donika Gërvallën

Deputeti dhe anëtari i Komisionit për Punë të Jashtme, Xhavit Haliti, në fjalën e tij, ka pyetur ministren Donika Gërvalla se a i ka ftuar paraardhësit e saj për kafe ndonjëherë.

“Faleminderit për dy fjalimet e gjata, deshta të bisedoj sa i përket çështjeve që i thatë më herët. Jemi shtet i ri dhe kemi fillu prej zeros. Kemi pasë një kuazi diplomaci dhe propagandë joshëse për qytetarët, por në realitet fuqia jonë, ka qenë e kufizuar. Shpresoj që do të zbatojmë ligjin, jo për zbulu ujin e nxehtë, por për të forcuar diplomacinë tonë. Nuk e di çka ka në MPJ, s’kam qenë kurrë mrena, më intereson a i ke ftu ish ministrat e jashtëm të Kosovës për një kafe për të biseduar vazhdimësinë e politikave që mund të ndihmojë ty si ministre. Nëse një ministër ka qenë në kontakt për 5 vjet në procesin e integrimit të Kosovës, mendoj që nuk kanë nevojë me startu bisedat për së dyti por aty ku e kanë lënë, të vazhdosh bisedat”, ka thënë Haliti./Periskopi/