4 minuta më parëFitore Pacolli del për vizitë te fermerët, njëri nga ta përfitues i grantit 100 mijë € – A i vizitoi deputetja e VV’së edhe vëllain e dajën e saj?
Periskopi(2 vite më parë)
(2 vite më parë)Deputetja e Lëvizjes Vetëvendosje, Fitore Pacolli të cilës iu zbulua skandali i dhënies së granteve qindra mijëra euroshe ndaj vëllait të saj dhe dajës së saj, ka vizituar disa fermerë, shkruan Periskopi. Pacolli përmes një shkrimi në Facebook, tha se ka vizituar fermerin Gazmend Dema i cili ka fermë në fshatin Zhegër të komunës së […]
Deputetja e Lëvizjes Vetëvendosje, Fitore Pacolli të cilës iu zbulua skandali i dhënies së granteve qindra mijëra euroshe ndaj vëllait të saj dhe dajës së saj, ka vizituar disa fermerë, shkruan Periskopi.
Pacolli përmes një shkrimi në Facebook, tha se ka vizituar fermerin Gazmend Dema i cili ka fermë në fshatin Zhegër të komunës së Gjilanit, megjithatë i njëjti sipas deputetes, jeton në Zvicër.
Nga një hulumtim i Periskopit, del se Dema ka fituar grant plotë 90.000 euro.
Emri i fermerit Gazmend Dema figuron të jetë në listën e fermerëve përfitues të publikuar në Agjencinë për Zhvillimin e Bujqësisë,
Nuk dihet nëse Pacolli ka vizituar edhe fermën e vëllait të saj dhe atë të dajës së saj.
Ndryshe, Pacolli e cila është edhe kryetare e Komisionit për Mjedis, Ushqim, Bujqësi, Planifikim dhe Zhvillim javë më parë iu zbuluan dy skandale të cilat përbënin konflikt të interesit.
Vëllai i saj, Blerim Pacolli vetëm katër ditë pasi e kishte regjistruar biznesi, përfitoi grant në vlerë prej 100 mijë eurove nga Ministria e Bujqësisë, e udhëhequr nga Faton Peci.
Të njëjtën shumë e kishte përfituar edhe daja i saj, Sylejman Islami.
Islami kishte konfirmuar se ka marr 60 mijë euro nga MBPZHR-ja derisa 30 mijë euro do i investoj vetë.
