disa sekonda më parëGërxhaliu tregon se si e morën informatën për varrezat masive në Serbi
Periskopi(një vit më parë)
(një vit më parë)Ish-drejtori i Institutit të Mjekësisë Ligjore të Kosovës (IMLK), Arsim Gërxhaliu, në emisionin “Real Talk me Maxhunin”, i cili transmetohet në Periskop dhe T7 ka folur sigurimin e informacionit dhe pamjet satilitore për varrezën masive në Rudnicë që ishte zbuluar me trupa të vrarë të shqiptarëve. “Sigurimi i informacionit ka ardhur në rrugë të ndryshme. […]
Ish-drejtori i Institutit të Mjekësisë Ligjore të Kosovës (IMLK), Arsim Gërxhaliu, në emisionin “Real Talk me Maxhunin”, i cili transmetohet në Periskop dhe T7 ka folur sigurimin e informacionit dhe pamjet satilitore për varrezën masive në Rudnicë që ishte zbuluar me trupa të vrarë të shqiptarëve.
“Sigurimi i informacionit ka ardhur në rrugë të ndryshme. Ka ardhur edhe në rrugë private. Psh këtë të Rudnicës është punuar nga viti 2003, është punuar 7-8 vite jo këtë pjesë, jo këtë pjesë, deri sa në fund e kemi pasur informatën. Djali ka qenë i Mitrovicës dhe e ka pasur informatën e saktë. Problemi ka qenë si të arrijmë tek shtëpia. Se pjesa tek liqeni është punuar prej vitit 2003. Ato liqene janë të mbetjeve të acideve, baza, ujërat të cilat i hudhin minierat. Pika zero për ne është dita kur janë varrozur në vitin 1999-të. Dhe këtu është punuar pesë vite. Tek në vitin 2006-të duke i falenderuar miqtë tanë ndërkombëtar në veçanti Amerikën për pamjet satilitore”, ka thënë ai.
Gërxhaliu tregoi për numrin e të pagjeturëve që ishin zbuluar dhe nga cili qytet i Kosovës ishin.
“Trupat e shqiptarëve kanë qenë te Rrezallës 9 trupa. Dy prej tyre, gjysmën e trupit e kanë pasur të varrosur tek varrezat poshtë në Rudnicë që i kemi gjetur në vitin 2014. Do të thotë se dy prej tyre kanë qenë ribashkim i atyre 53 që i kemi gjetur në Rudnicë”, tha tutje ai.
Gërxhaliu tha se për herën e fundit kur ishte bërë kërkimi për trupa të shqiptarëve në një minierë.
“Hera e fundit është tek Sinica thirret Shtavalë. Ajo gjithashtu është minierë, thuhet se është miniera e fundit e thëngjillit. Ajo ka qenë hera e fundit i kërkimeve të varrezave. Ne nuk flasim pa e punuar, pa i gjetur dhe pa e pasur të prekshëm. Ne e dijmë se edhe 250 kanë munguar prej grupacionit të Bajtanicës, ndërkohë 53 janë gjetur në Rudnicë, 9 këtu dhe pjesa tjetër është ende e zhdukur”, tha Gërxhaliu.
Ai ka bërë të ditur se udhëtimi i fundit në Serbi për të kërkuar trupat e shqiptarëve të vrarë nga Serbia ishte 16 shtaror i 2021./Periskopi/
