2 orë më parëGjykata demanton ashpër Rozeta Hajdarin: Ftesën ia kemi dërguar
Periskopi(6 muaj më parë)
(6 muaj më parë)Ministrja në detyrë, Rozeta Hajdari nuk ka marr pjesë në seancën e parë lidhur me rezervat shtetërore, raporton Periskopi. Krejt kjo, sipas Hajdarit pasi që nuk ka marrë ftesë nga Gjykata. E një gjë të tillë, nga Gjykata e kanë mohuar, të cilët kanë thënë se ftesa është dërguar me 19 nëntor përmes postës. “Ju […]
Krejt kjo, sipas Hajdarit pasi që nuk ka marrë ftesë nga Gjykata.
E një gjë të tillë, nga Gjykata e kanë mohuar, të cilët kanë thënë se ftesa është dërguar me 19 nëntor përmes postës.
“Ju njoftojmë se Gjykata Themelore në Prishtinë – Departamenti Special me datë 19.11.2025 përmes postës ka dorëzuar ftesën për të pandehuren R.H. për paraqitje në seancën fillestare të datës 10.12.2025, mirëpo Gjykata deri më tani nuk ka pranuar fletëkthesën për të vërtëtuar nëse e njëjta ka pranuar ftesën në mënyrë të rregullt apo jo”, kanë thënë për Periskopin nga Gjykata Themelore e Prishtinës.
Seanca u shty për datën 13 janar nga ora 9:30.
Ministrja Hajdari, ish-zëvendëssekretari i MINT, Irfan Lipovica, si dhe drejtori i Departamentit të Rezervave Shtetërore në MINT, Hafiz Gara, akuzohen për kryerjen e veprave penale “Keqpërdorim i pozitës apo autoritetit zyrtar” dhe për “Zbulim të fshehtësisë zyrtare”. Ndërsa, afaristin Ridvan Muharremi i njohur si “Ridi”, PSRK-ja po e akuzon për kryerjen e veprës penale “Ndihmë në kryerjen e veprës penale të keqpërdorimit të pozitës apo autoritetit zyrtar”.
Bazuar në aktakuzën e PSRK-së, të pandehurit Rozeta Hajdari në cilësinë e ministres së Industrisë, Ndërmarrësisë dhe Tregtisë, Irfan Lipovica si zëvendëssekretar dhe Hafiz Gara në pozitën e Drejtorit të Departamentit të Rezervave Shtetërore, në kundërshtim me Ligjin për Prokurim Publik, duke iu shmangur procesit të konkurrencës, me procedurë të negocimit kishin negociuar dhe më pas nënshkruar kontratën me kompaninë turke “Yafe Turizm Indaat Sanayi ve Ticaret Anonim Sirketi” me seli në Bursa të Turqisë, për blerjen e 10 mijë tonë grurë me çmim prej 4,834,778.00 euro. Aty thuhet se çmimi për blerje të grurit ishte kontraktuar 193.48 euro më i lartë sesa çmimi mesatar i tregut.
Në aktakuzë më tej thuhet se të pandehurit Hajdari, Lipovica dhe Gara kanë negociuar dhe nënshkruar kontratë edhe me kompaninë “Xanto SP. ZO. O” me seli në Gdynia të Polonisë për blerjen e 200 mijë litra vaj dhe 120 mijë kilogramë sheqer. Mirëpo, përkundër pagesës së kryer, malli nuk ishte pranuar asnjëherë.
Hajdari, Lipovica, Gara ngarkohen se zbuluan fshehtësinë zyrtare duke ia vënë në dispozicion Muharremit informatën për vendndodhjen e deponimit të grurit si mall i rezervës shtetërore.
Nuk shkoi në Gjykatë, Rozeta Hajdari arsyetohet: Nuk kam pranuar ndonjë thirrje për seancë
