20 minuta më parëGjykata Themelore e konfirmon se të dyshuarve për dallavere me patentë shoferë u shqiptohet masa e arrestit shtëpiak
Periskopi(7 vite më parë)
(7 vite më parë)Të dyshuarit për dallavere me patentë shoferë, janë liruar nga gjykata. Të gjithë të dyshuarve Gjykata Themelore në Prishtinë ua ka caktuar masën e arrestit shtëpiak. Gjykata Themelore e ka konfirmuar për Periskopin se 23 personave të arrestuar gjatë javës së kaluar u është shqiptuar vetëm masa e arrestit shtëpiak. Që të gjithë kanë keqpërdorur […]
Të dyshuarit për dallavere me patentë shoferë, janë liruar nga gjykata.
Të gjithë të dyshuarve Gjykata Themelore në Prishtinë ua ka caktuar masën e arrestit shtëpiak.
Gjykata Themelore e ka konfirmuar për Periskopin se 23 personave të arrestuar gjatë javës së kaluar u është shqiptuar vetëm masa e arrestit shtëpiak.
Që të gjithë kanë keqpërdorur pozitën zyrtare duke pranuar ryshfet dhe duke u lëshuar patentë shoferë personave që nuk kanë qënë të gatshëm t’i kalojnë testet e duhura për t’u pajisur me dokumente, raporton Periskopi.
‘’Është caktuar masa e sigurisë kundër njëzet e tre të pandehurve Prishtinë, 09 korrik 2019 – Gjykata Themelore në Prishtinë – Departamenti për Krime të Rënda ka vendosur lidhur me kërkesën e Prokurorisë Themelore të Prishtinës për caktimin e masës së paraburgimit kundër të pandehurve F.K, N.L, F.A, F.E, F.F, A.B, L.SH, A.R, F. L, SH.Z, E.B, D.ZH, N.B, A.M, L.A dhe M.M, se në vazhdimësi dhe në bashkëkryerje kanë kryer veprën penale Keqpërdorimi i pozitës apo autoritetit zyrtar nga neni 414 paragrafi 2 lidhur me nenin 31 dhe 77 të Kodit Penal të Republikës së Kosovës, ndërsa të pandehurit A.T, P.T, SH.S, H.J, L.B, A.K dhe B.J kanë kryer veprën penale në bashkëkryerje dhe në vazhdimësi Pranimi i ryshfetit në sektorin privat nga neni 309 paragrafi 1 lidhur me nenin 31 dhe 77 të Kodit Penal të Republikës së Kosovës. Gjykata ka marr aktvendim dhe ka refuzuar kërkesën e Prokurorisë Themelore në Prishtinë – Departamenti për Krime të Rënda dhe kundër të pandehurve F.K, N.L, F.A, F.E, F.F, A.B, L.SH, A.R, F.L, SH.Z, E.B, D.ZH, N.B, A.M, L.A, M.M, A.T, P.T, SH.S, H.J, L.B, A.K dhe B.J ka caktuar masën e arrestit shtëpiak ne kohëzgjatje prej një muaji për secilin veç e veç. Ekziston dyshimi i bazuar se të pandehurit nga data e pa përcaktuar e deri me dt. 05.07.2019, në bazë të marrëveshjes paraprake e në vazhdimësi me qëllim të përfitimit të dobisë pasurore në mënyrë të kundërligjshme, kanë keqpërdorur pozitën zyrtare, si zyrtarë të Ministrisë së Infrastrukturës – Sektori i patentë shoferëve. Kundër këtij vendimi pala ka të drejtë ankese në Gjykatën e Apelit të Kosovës’’, thuhet në përgjigjen nga gjykata./Periskopi/
