Gruaja shkaktare e përplasjes Inter-Icardi: Pasi e hoqi si kapiten, e largon nga ekipi

Interi ka marrë vendim që Maurio Icardi të mos jetë kapiten i ekipit. 

Ky vendim hyn në fuqi që nga ndeshja e nesërme ndaj Rapid Vienna, me shiriton që do t’i kaloj portierit Samir Handanovic.

‘Zikaltërit’ me anë të një postimi në Twitter e kanë konfirmuar këtë lajm drastik, i cili ka duket se ka thyer harmoninë brenda klubit. Më tej, Inter nuk ka dhënë ndonjë arsye për këtë vendim.

Merret vesh se ky vendim është marrë nga presidenti Steven Zhang së bashku me administratorin e deleguar Beppe Marotta, zëvendëspresidentin Javier Zanetti dhe drejtorin sportiv Piero Ausilio, përcjell Periskopi.

Deklarata e agjentes së sulmuesit argjentinas, njëkohësisht edhe gruaja e tij, Wanda Nara si dhe reagimet e Icardit në rrjetet sociale ku u kundërvihej mediave se gënjenin për propozimet e ndryshme që i kishte bërë Interi për rinovimin e kontratës, kanë detyruar drejtuesit zikaltër t’i heqin shirtin dhe ndoshta të prishin përfundimisht marrëdhëniet me bomberin argjentinas.

Për t’i dhënë edhe më shumë goditje këtij vendimi, trajneri Spalletti nuk e ka ftuar fare 25 vjeçarin për ndeshjen e nesërme të Europa Ligës, i cili duket se mezi është duke e pritur verën për t’u larguar nga Italia. /Periskopi/