disa sekonda më parëHajrullah Çeku ia jep 255 mijë euro të taksapaguesve kosovarë motrës së deputetit të VV’së
Periskopi(2 vite më parë)
(2 vite më parë)Kushërinjtë janë veç për dasma. Hmmm, jo bash! Të paktën kështu nuk është parë këto tre vjet e gjysmë qeverisjeje nga partia që dikur kundërshtonte më së shumti lidhjet familjare, besa edhe ato të linjës së dhjetë. Por, një kërdi e llojit të vetë është parë në Ministrinë për Kulturë, Rini dhe Sport. Ky dikaster, […]
Por, një kërdi e llojit të vetë është parë në Ministrinë për Kulturë, Rini dhe Sport. Ky dikaster, që udhëhiqet nga ministri që priste në radhë për të blerë bukë në një market, Hajrulla Çeku, ia ka siguruar hiç më pak se 255 mijë euro për tri vitet e ardhshme motrës së Artan Abrashit, që është pjesë udhëheqëse e Autostrada Biennale, një organizatë joqeveritare, shkruan Paparaci.
Kjo është lehtë e vërtetueshme nga të gjitha anët. Fillimisht, në dokumentin përkatës (shih foton 1), shihet lista e përfituesve. OJQ Biennale sivjet do të marrë 80 mijë euro, vitin e ardhshëm 85 mijë e më 2026 plot 90 mijë euro, që në total kap shifrën e çerekmilionit.
Se motra e Artan Abrashit, Vatra, është bashkëpronare e kësaj organizate vërtetohet lehtë në profilin e saj në “Facebook”.
Ajo me krenari konfirmon pronësinë në organizatën që për tre vitet e ardhshme nuk do ta ketë hallin e financave.
Lidhur me këtë çështje, redaksia jonë ka dërguar pyetje edhe në drejtim të ministrit Hajrulla Çeku, por deri në momentin e publikimit të lajmit nuk ka pranuar përgjigje.
