Haki Abazi shan e ofendon rëndë pas lajmit për lidhjen intime me gruan e qytetarit

Haki Abazi ka bërë një reagim të shfrenuar e të mbushur me sharje të rënda ndaj mediave pas publikimit të disa dokumenteve ku raportohej se kishte pasur lidhje intime me gruan e një qytetari të Kosovës.

Në atë lajm një qytetar ishte dyshuar për kanosje pasi i kishte shkuar në shtëpi Haki Abazit duke i kërkuar që të përballeshin.

Qytetari me inicialet A.B. kishte pretenduar se gruaja e tij, F.D. ka pasur lidhje intime me Abazin, përcjell Periskopi.

Abazi e kishte pranuar se ishte takuar me zonjën në fjalë, gruan e qytetarit të Kosovës, por nuk ishte lëshuar në detaje duke thënë se “ajo ishte çështje personale”.

E  tash, Abazi ka sulmuar rëndë Sinjalin duke e akuzuar për “shantazh” edhe pse nuk ka ofruar asnjë provë për një gjë të tillë.

Abazi ka thënë se kjo gazetë “ka krijuar një tregim të rrejshëm e denigrues” me qëllim që të dëmtojë kredibilitetin e tij.

Reagimi i plotë:

Këshilltari i Isa Mustafës, Besnik Berisha, me portalin e tij shantazhues GAZETA SINJALI paska krijuar një tregim të rrejshëm e denigrues me qëllim të dëmtimit të personit dhe kredibilitetit!

E qartë, dy ditë para ditës së votimit portali Sinajli po tenton që të dëmtoj procesin zgjedhor dhe të ndryshojë mendimin e votuesve.

Trillimet dhe shantazhet duke tentuar që të përfitojnë financiarisht nuk munden në asnjë mënyrë të ndryshojnë as frymën e ndryshimit dhe as determinimin e qytetarëve për ta hequr qafe këtë sistem të kriminalizuar, shantazhues e të korruptuar përfshirë llojin e Besnik Berishës që përdor portalin SINJALI për shantazh!

Natyrisht që këtë formë shantazhi e percjell gazeta Insajder dhe gazetar dhe portalet që janë financuar nga sistemi i kapur dhe i kriminalizuar e që i ka kapur paniku nga ndyshimi i madh që do të bëhet me 14 shkurt.