Haki Abazi: Të gjithë emrat për punësime në borde vijnë nga Mimoza Kusari

Sipas Abazit të gjitha emrat për punësime në borde vijnë nga shefja e GP të VV-së, Mimoza Kusari-Lila e Dehona Mihali.

“Nuk ishte çështja e emrit të kryetarit të Komisionit, por kishte të bëjë me parimin. Dy herë u votua. Herëne aprë kur nuk u siguruan votat e mjaftueshme, u insistua, u bë presion edhe në momentet e fundit. Jo që ky presion u fillua me ditë të tëra, duke thirrë deputetë secilin prej tyre, përfshirë edhe të minoriteteve, përfshirë edhe kërcënimin me pozicionin e anëtarëve për të ardhur në parlament me shkarkimin tim. Në mënyrë specifike emrin tim, jo edhe anëtarët tjerë të Komisionit, jo edhe për të klamufluar se kinse po bëhen lëvizje edhe të komisioneve të tjera, por në fakt është bërë thirrje e kërcënim ndaj deputetëve. Znj. Kusari e Dehona Mihali apo kush tjetër për ta bërë këtë shërbim e kanë bërë këtë”, tha Abazi në “Debat Plus”.

“Mendoj kjo është një gradacion i ngadalshëm i pozicioneve që i kam kuptuar në përfundim e zgjedhjeve të fundit. Unë kam pasur biseda dhe tentime të bisedave me Kurtin për çështjet me të cilat kanë pasur vlerë dhe kanë për ndërtimin e konceptit dhe forcimin e demokracisë brenda VV-së. Debati brenda Grupit Parlamentar ka zero vlerë sepse nuk zhvillohet fare, vendimet vijnë të kryera vijnë nga zonja Kusari, nuk diskutohet fare, qoftë edhe në emërimet në pozitat rëndësishme, si në bordet publike”, ka thënë Abazi ./Periskopi/