Hallakaten mediat serbe, nuk dinë as vetë çka shkruajnë për një aksion të Policisë së Kosovës

Portalet serbe shkruajnë se Policia e Kosovës ka disa ditë që ka nisur një aksion të quajtur ‘Unaza e çelikut”. Deri këtu në rregull, por në raportimin që e bëjnë, ku ‘hyjnë e dalin’ është mjaft e komplikuar. Në fillim shkruajnë se aksioni është një aksion normal i Policisë në kufijtë e Kosovës, për të parandaluar krimin dhe korrupsionin. Më vonë, e thërrasin zëdhënësin e Policisë së Kosovës, Baki Kelanin në telefon, i cili u thotë se s’ka diçka të jashtëzakonshme. Por, disa prej tyre, thonë se ky aksion po bëhet për të ‘intimiduar serbët e Kosovës’…

Mediat serbe shkruajnë se forcat policore të Kosovës kanë shtuar praninë rreth ‘linjave administrative’.

Sipas Blicit serb, ky aksion është titulluar ‘Unaza e çelikut’ ka nisur që prej disa ditësh dhe ai po ndodh rreth kufijve. Sipas Blicit serb, ‘anëtarët e policisë të të ashqutuajrutës Kosovë janë nga të gjitha rajonet e këtij vendi”.

Mediat serbe shkruajnë se ‘Unaza e çelikut’ nuk është një emër i panjohur operacionesh për Policinë e Kosovës. Ata kujtojnë se një operacion nën emrin e tillë ishte bërë edhe gjatë barrikadave në veri të Kosovës.

‘Megjithatë, askush s’mund të garantojë që ‘Unaza e çelikut do të mbetet një operacion tash për tash vetëm nën misionin që ka, kontrollimin e automjeteve dhe mallrave në kufi’.

Për t’u munduar ta dëshmojnë raportimin e tyre, mediat serbe e kanë pyetur edhe zëdhënësin e Policisë së Kosovës, Baki Kelanin, i cili u ka thënë se ‘nuk ka diçka konkrete”, duke lënë të kuptohet se aksionet e policisë në luftimin e krimit dhe korrupsionit janë të zakonshme.

Ndërkohë disa media të Beogradit shkruajnë se këto aksione janë duke u ndërmarrë ‘kundër serbëve në Kosovë’. Mediumi ‘Alo’ i Beogradit thotë se sipas burimeve të veta, ka indikacione që ‘do të arrestohen disa zyrtarë serbë në Kosovë’. /Periskopi/