Haradinaj i quan mercenarë dhë mafiozë anëtarët e Këshillit Shtetëror të Cilësisë

Kryeministri Ramush Haradinaj, në një konferencë për media nga kryeministria, ka goditur edhe një herë anëtarët e Këshillit Shtetëror të Cilësisë, duke i quajtur si mercenarë, të cilët në mënyrë kriminale thotë se po tentojnë për të mbyllë universitetet shtetërore në emër të cilësisë, për t’i quar në universitete private.

“Ky është një lloj krimi, kur dikush ka arrogancë me iu thanë krejt këtyre fëmijëve. Ndoshta kanë edhe dallavere me universitetet private, dhe në emër të cilësisë i mbyllin këto universitetet, për me shkue tek privatët.  Nuk mundesh me i lanë fëmijët. Në këtë Kosovë nuk punohet kështu. Nuk jemi krejt mercenar në këtë vend. Na dhemb çka ndodhë në këtë vend”, ka thënë Haradinaj.

Ai ndër të tjera thotë se një vendim është i papranueshëm, dhe se nxënësit nuk guxojnë të mbesin pa u regjistruar.

Sipas tij familjet e varfëra dhe mesatare nuk mund ti shkollojnë fëmijët e tyre në Prishtinë, pasi që kosto e shpenzimeve trefishohet.

“Për kriteret e akreditimet e programeve ata janë profesionisë dhe i dinë. Por për mua është e papranueshme që maturantët e këtyre vendeve të mbesin pa u regjistruar në fakultet. Nëse dikush ka menduar se mund ta bëjë këtë që të lejë fëmijët e varfër ose gjysmë të varfër jashtë universitetit, ka gabuar. Këta që po më thonë se je ngutur, unë po them që jam vonuar. Kushdo që e ka bërë këtë, gabim është. Po vërejtjet për cilësi, për kritere, por nuk mund të  lejojmë  që nxënësit të mbesin jashtë”, tha ai.

Ai thotë se një veprim i tillë nuk është në rregull, dhe se ka merituar një trajtim më ndryshe

“Nuk e pranojë faktin që dikush i jep vetës së drejtë, që maturanët e varfër që nuk i kanë kushtet me i pru fëmijët e tyre me studiu në Prishtinë, se trefishohet kosto, me i lanë në rrugëNëse dikush mendon që ka guxu me e bo këtë, ka gabu. Kjo ka meritu casje tejtër. Nuk është në rregull kjo”, ka potencuar kreu i Qeverisë.