Haradinaj shkarkon zv.ministren e Listës Serbe, pasi i quajti gjenocid bombardimet e NATO’s

Kryeministri Ramush Haradinaj, ka shkarkuar zëvendësministren Vesna Mikiq, e cila deklaroi se bombardimet e NATO’s ishin gjenocidt ndaj shtetit dhe popullit serb.

“Prandaj, sot kam liruar nga detyra zëvendësministren Mikiq”, njofton Haradinaj.

“Në Qeverinë dhe institucionet e Republikës së Kosovës, nuk kanë vend individët, pavarësisht përkatësisë etnike, që denigrojnë vlerat e përbashkëta euro-atlantike. Aq më tepër kur shteti i Kosovës është krijuar pikërisht në bazë të këtyre vlerave. Deklarata e zëvendësministres në Ministrinë e Drejtësisë, Vesna Mikiq, se bombardimet e NATO-s ishin gjenocid ndaj shtetit dhe popullit serb, janë të papranueshme dhe përkojnë me gjuhën e urrejtjes, që sanksionohen me Kushtetutë dhe ligj. Prandaj, sot kam liruar nga detyra zëvendësministren Mikiq”, shkruan ai në njoftimin e plotë./Periskopi/