‘Hat-trick’ i Besnik Bislimit, rehaton në pozita të larta tre dostat e tij në Telekomin e Kosovës ( DOKUMENT)

Periskopi

Periskopi ka arritur të siguroj dokumente, vendime dhe fotografi se si, Muhamet Mehmeti, dost i ngushtë i zëvendëskryeministrit të Kosovës, Besnik Bsilimi është avancuar pak ditë më parë në Telekomin e Kosovës, në pozitën e menaxherit.

Në vendimin që ka siguruar Periskopi, e që mban datën 27 mars 2024, Muhamet Mehmeti është zgjedhur në pozitën – Menaxher – Arkëtimi i të hyrave, sigurim i të hyrave, Drejtoria Financat e Thesar.

Konkursi për këtë pozitë ka qenë i brendshëm në ndërmarrjen publike Telekomi i Kosovës.

Por marifetet me punësimet dhe avancimet në këtë kompani me njerëz të afërt të pushtetit, Lëvizjes Vetëvendosje nuk mbaron me kaq…

Kryetar i komisionit për përzgjedhjen për këtë pozitë të Muhamet Mehmetit, si menaxher në Telekom, është edhe dosti tjetër i Besnik Bisilimit, Ilaz Halili – edhe ky i avancuar muaj më parë në pozitë brenda Telekomit të Kosovës.

Ky komision i përbërë nga, Ilaz Halili, ka vlerësuar me më së shumti pikë, Muhamet Mehmetin, duke e vlerësuar atë me 71.66 pikë.

Fotografi – Ilaz Halili, Besnik Bsilimi dhe Muhamet Mehmeti

Por këtu nuk mbaron e gjitha.

Telekomi i Kosovës që për kryeshefe ka Burbuqe Hanen, njeriun që ishte vendosur në pozitën më të lartë në këtë kompani, ka avansuar edhe njeriun tjetër, I afërt me Besnik Bislimin, Fatmir Bllacën.

Bllaca në fillim të këtij viti, saktësisht me 15 janar të 2024 ishte emëruar në Telekomin e Kosovës në pozitën Menaxher- shitja operative.

Fatmir Bllaca

Kësisoj zëvendëskryeministri i Kosoëvs, Besnik Bislimi, ka rahatuar tre dostat e tij duke i avancuar në pozita të larta në Telekomin e Kosovës, Ilaz Halilin, Fatmir Bllacën dhe së fundmi Muhamet Mehmetin.

Që të tre këta në rrjetet sociale kanë fotografi me zëvendëskryeministrin e Kosovës, Besnik Bislimi, dhe po ashtu kanë fotografi në zyrat e partisë në pushtet, Lëvizja Vetëvendosje.

Ilaz Halili – Kryetar i Komisionit

/Periskopi/