Haziri pas deklaratave të Bislimit në Periskop: Ai e di shumë mirë rolin tim
Nënkryetari i LDK’së, Lutfi Haziri, ka vendosur t’i kthejë deklaratë të zyrtarëve të Vetëvendosjes, shkruan Periskopi.
“Ai mund të thotë çkado mirëpo nuk luan rol të rëndësishëm, nuk çon peshë në bisedimet tona që po i zhvillojmë me LDK-në’’, ka thënë Bislimi për Periskopin
Rreth kësaj deklarate ka reaguar nënkryetari i LDK’së, Lutfi Haziri i cili ka thënë se Besnik Bislimi, nënkryetar i VV’së dhe e gjithë partia e Albin Kurtit e di rolin që ai e ka në LDK dhe në negociatat për krijimin e Qeverisë.
“E di fortë mire rolin tim.z.Bislimi dhe VV po ashtu…tjerat shihen me kohë”, ka thënë Haziri për Gazetën Express.
Kjo përgjigje e Hazirit vjen në vazhdim të serisë të përplasjeve që ai ka nisur me zyrtarë të VV’së, përmes deklarimeve publike, kryesisht në rrjete sociale e në studio televizive.
Haziri, të shtunën në një postim në Facebook, shkroi se emri i kryeministrit të ri, gjithsesi se do të kalojë përmes zyrave të LDK’së.
’Tashmë dihet që asnjë parti s’mund ta formojë qeverinë e vetme sepse sistemi zgjedhor në Kosovë nuk e mundëson këtë. Ky vend ka nevojë për qeverisje të mirë si për ajër. Por, ajo që është e qartë është se emri i kryeministrit kalon nëpër zyre të LDK’së!’’, kishte shkruar Haziri.
Ndërkaq negociatat mes LDK’së e VV’së kishin filluar menjëherë pas rezultateve preliminare të zgjedhjeve të 6 tetorit, të cilat – sipas atyre rezultateve – i fitoi partia e Kurtit.
Takimet nisën me dy kandidatët për kryeministër, Albin Kurtit e Vjosa Osmanit, për të vazhduar më pas me grupe punuese që kryesisht përfshinin profesorë të fushave të caktuara./Periskopi/
