Hoti për Flakron Shalën Konsull: Nuk e kam ditur, jam njoftuar nga mediat

Kryeministri Avdullah Hoti, thotë se është njoftuar nga mediat për emërimin e Konsullit Flakron Shala në Pragë.

Ai shkruan:

Për emërimin e Konsullit të Përgjithshëm të Republikës Kosovës në Pragë të Çekisë, jam njoftuar nga mediat. Ky emërim nuk është koordinuar me mua.

Qeveria është në proces të analizimit dhe rishikimit funksional të rrjetit të misioneve diplomatike. Pas kësaj analize do të ndërmerren të gjitha veprimet e nevojshme për të siguruar funksionim efikas të misioneve diplomatike dhe do të sigurohemi që përbërja e këtyre misioneve të jetë në përputhje me ligjin.