Hovenier kritikoi Kurtin se dështuan me gazin, Miftaraj: Kryeministri për interesa të tilla duhet të ketë guxim

Periskopi.com Lajme

Ambasadori i ri i SHBA’së në Kosovë, Jeff Hovenier në një paraqitje të tij të parë televizive ngriti si çështje edhe gazsjellësin amerikan për të cilin Qeveria Kurti para disa muajsh nuk ishte në gjendje që të merrte ndonjë vendim të pranimit, e që me një fjalë u refuzua deri në një kohë të pacaktuar. E këtë gjë, amerikanët po vazhdojnë t’ia përmendin…

Hovenier e quajti dështim të Qeverisë mos arritjen e marrjes së një vendimi për gazin i cili ndër të tjerash do të stabilizonte gjendjen me energjinë në vend.

E për këtë, njohësi i çështjeve, Ehat Miftaraj në një deklaratë për Periskopin ka thënë se për një interesa të tillë, kryeministri Albin Kurti është dashur të kishte guxim dhe vullnet politik.

‘’Se sa e rëndësishme është kjo mbështetje e partnerit kryesor të Republikës së Kosovës për të orientuaar kapacitetet prodhuese energjetike në vend edhe tek mundësite tjera alternative përveq atyre që disponon Kosova aktualisht na e dëshmon gjendja aktuale me furnizim me energji elektrike dhe ccmimet enorme të rrymës. Në këtë drejtim, Kosova dhe Kryeministri Kurti do të duhej të kuptojnë se në ccështje strategjike si ccështja e gazit ku interesat e Kosovës dhe Amerikës bashkohën, do të duhej të ketë vullnet dhe guxim politik për të marr vendime të cilat do të cilat do të ndikonin në pvarësinë energjetike në Kosovë’’, ka thënë Miftaraj për Periskopin.

Tutje ai ka theksuar se ‘’Ambasadori amerikan ri-konfirmoj përkushtimin e Shteteve të Bashkuara të Amerikës për të i ndihmuar Kosovës në përmirësimin e infrastrukturës energjetike në Kosovë. Në mënyrë të njejtë sikurse tha edhe vet ambasadori amerikan se Programi „Kompakt” i KSM-së, nëse miratohet, do të përmbajë ndihmë shumë të rëndësishme në mbështetje të infrastrukturës energjetike për Kosovën – për ta ndihmuar Kosovën që të ketë furnizim me energji që është i sigurt, i qëndrueshëm, bashkëkohor, i shek. XXI.’’.

Hovenier mbrëmë në RTK, me fillim të marrjes së mandatit shprehu kritika direkte për Qeverinë për këtë shkak.

“Qeveria nuk ishte në gjendje të merrte vendime për rrugën e saj të ardhshme në afatet kohore që kërkon MCC’ja. Kjo domosdoshmërish është dështim. Jo domosdoshmëri është diçka që po kritikoj’’./PERISKOPI/