Hoxha i VV-së për humbjen në Zgjedhje: Regjimi i vjetër i ka kapur familjet kosovare

Hoxha i VV-së për humbjen në Zgjedhje: Regjimi i vjetër i ka kapur familjet kosovare

Anëtari i lartë i Vetëvendosjes, Elvis Hoxha, ka bërë një interpretim mjaft interesant të zgjedhjeve lokale.

Ai i ka lënë fajin rezultatit turpërues që mori partia e tij mungesës së votave nga diaspora, derisa nuk kursen fyerjet për partitë oponente.

“Sapo mërgata i largohet votimit, regjimi i vjetër e ngre kokën në Kosovë,” – u shpreh z. Hoxhaj, përcjell Periskopi.

Ai arsyeton një gjë të tillë duke thënë se regjimi i vjetër [sic], e kap lehtë ekonominë e familjeve kosovare.

Hoxha harron se pushtetin qendror në tërësi e ka partia në të cilën bën pjesë, Vetëvendosja, dhe e cila përdori një varg instrumentesh shtetërore për të rritur votën nëpër komuna.

Statusi i plotë:

Sapo mërgata i largohet votimit, regjimi i vjetër e ngre kokën në Kosovë. Sepse regjimi i Prontove e kap lehtë ekonominë e familjes së Kosovës, sidomos në komunë. Por nuk mund ta kapë votën e mërgatës. Mërgata është e lirë, ndaj dhe vota e saj është e drejtë. Vota e drejtë e siguron pushtetin e drejtë. Vota e kapur siguron vetëm pushtetin e kapur.

Shpërndaje në: